تكفووون اللي عنده واسطه بالهيئه الصحيه

[ミ☆ミأبونايــفミ☆ミ‏]

السلام عليكم ورحمة الله وبركاته

بدون مقدمات

هذا الأسبوع هو أخر أسبوع لنا في الأكاديمية الصحية وبأذن الله أتخرج بمعدل طيب يبيض الوجه

المهم

إدارة الأكاديمية قامت بوضع ثلاثة خيارات للمتشفيات اللي راح نطبق فيها وبصراااحه ما أعجبتني خياراتهم وطلبت منهم إرسالي لـ مستشفى قريب من الحي اللي نسكن به وقابلوا طلبي بـ الرفض وطلبت منهم أيضاَ تحويلي لـ المستشفيات اللي بجنوب المملكه كـ القنفذه أو قلوة أو المخواة فطلبوا مني إحضار ورقه (خطاب) من الهيئة السعودية للتخصصات الصحية حتى يتم قبول طلبي وقالوا بأن لايسمح لهم بإرسال أي اطالب حتى يتم إحضاره الموافقه من الهيئه السعودية،، فهل من أحد يعرف لي واسطه او احد يفيدني بهذا الموضوع..أرجو أن يراسلني على الخاص أو يتصل بي هاتفياً ع جوالي وهو موجود عند إدارة المنتدى أو عند الأخ الحسين أو صعبان أو الرماش أو متعب وكذلك عند الاخ شيخي وأفتخر

تكفوون يـ أخوان لاأحد يبخل علينا واللي بيطلبه أنا حاضر ويبشر باللي يريده المهم مساعدتي في إحضار الخطاب مع العلم اني أفكر أني أواصل دراستي في نفس التخصص بس قبل ذلك لازم من التطبيق وبعدها ممكن اواصل الدراسه عن طريق الإبتعاث إذا كان المعدل ممتاز او على نفقتي الخاصه في إحدى الجامعات الأردنية أو المصريه

وش الأفضل الدراسه بمصر ولا الأردن؟

هل يتم إعتمادها شهائدها في السعودية؟

وهل تكاليف الدراسه في مصر أو الأردن مكلفه طبعاً مع المصاريف والسكن؟

تحيــ أبونايف ـــــاتي

[ابوخالد]

الله يوفقك ان شاء الله

انا من وجهة نظري تطبق بالمستشفيات الكبار مثل مستشفى الملك فهد اوعبدالعزيز حتى تكسب خبره ولغه وهذا احسن لك حتى ان شهداتهم في التطبيق

العملي تعتبر جيده في التوظيف وشهادة معترف بها عند التقديم على وظيفه حتى لو قدمت بالشركات او المستشفيات الخاصة تنفعك شهادة المستشفى الكبير

انا اشوف لك الموضوع بالنسبه للهيئه لان زميلي اختبر عندهم ويمكن يعرف احد

[ミ☆ミأبونايــفミ☆ミ‏]

الله يوفقك ان شاء الله

انا من وجهة نظري تطبق بالمستشفيات الكبار مثل مستشفى الملك فهد اوعبدالعزيز حتى تكسب خبره ولغه وهذا احسن لك حتى ان شهداتهم في التطبيق

العملي تعتبر جيده في التوظيف وشهادة معترف بها عند التقديم على وظيفه حتى لو قدمت بالشركات او المستشفيات الخاصة تنفعك شهادة المستشفى الكبير

انا اشوف لك الموضوع بالنسبه للهيئه لان زميلي اختبر عندهم ويمكن يعرف احد

الله يعطيك العافيه يـ أبوخالد وبيض اللله وجهك

طيب ياليت تنشد خويك مثلاً أنا الحين طبقت في المستشفى وتم تثبيتي في أحد المستشفيات وأبغى أكمل دراستي عن طريق الابتعاث صحيح الدوله تتكفل بمصاريفي وعدم توقف راتبي ولا لا؟

جزاك الله خير

[الزعيم]

انا اكلمك يابو نايف

[هوى الغربي]

البخيل بجاهه ماهو بماله
وابونايف يستاهل وعلي الطلاق
مابقيت واحد من زملايه واقاربي
الاسالته لاكن مالنا نصيب نتجمل
مع ابونايف

[ミ☆ミأبونايــفミ☆ミ‏]

الزعيم،، بأنتظار أتصالك ع أحر من الجمر طال عمركـ

هوووى الغربي،،، بيض الله وجهك وماقصرت ومشكور على سعيك ومجهودك وهذا من طيبك وطيب منشأك أخي الفاضل

واليوم دخلت ع مدير الأكاديمية ووضحت له اني راح أجيب خطاب من الهئيه على أساس أطبق في مستشفى الملك فهد أو عبدالعزيز

فقال: ماهي مشكله ومش لازم تجيب ورقه أدفع 2500وإن شاء الله راح نرسلك إلى مستشفى الملك فهد أو عبدالعزيز....وش ذا الاستغلال يـ أخوان وأنا أقسم بـ الله لو كلمت الوالد ماراح يقصر بس والله إحراج وأشوف نفسي مرهـ مالها داعي إلى متى وأنا أخذ درااهم من الوالد ولاأطلبه مصروفه اليومي

[متعب الشيخي]

لا ما عليك يابو نايف روح جيب خطاب وش بينقص منك
إستغلال وبقوة
خلهم روح جيب الخطاب وما عليك منهـ أصلاً هم حيوانات يستغلون الناس وما أحد إستغلهم لكن يجيهم يوم ...

[ミ☆ミأبونايــفミ☆ミ‏]

لا ما عليك يابو نايف روح جيب خطاب وش بينقص منك
إستغلال وبقوة
خلهم روح جيب الخطاب وما عليك منهـ أصلاً هم حيوانات يستغلون الناس وما أحد إستغلهم لكن يجيهم يوم ...

لو اعرف أحد ما أنتظرت شورك يـ متعب ولا أشغلت الشباب معي