منتدى قبيلة المشاييخ الرسمي - رحلتي للاراضي الاندنوسية مدعم بالصور

بسم الله الرحمن الرحيم

السلام عليكم ورحمة الله وبركاته

@تعريف باندنوسيا الموقع والخطوط والتضاريس وخلافه@@

الموقع: في جنوب شرق آسيا.
المساحة: 2 مليون كم2،
وتتكون من 33 مقاطعة.
العاصمة: جاكرتا.
العملة الرسمية: روبية إندونيسية.
اللغة الرسمية: الإندونيسية.
عدد السكان: 242 مليون نسمة،
ويمثل المسلمون 88% والبروتستنت 5% والكاثوليك 3% والبوذية 1%.
ويُعَدّ الجاويون أصحاب العرق السائد
بنسبة 45% والسندان 14% والمادور 8% والملايو 8%، والنسبة الباقية أعراق أخرى،
وذلك وفق إحصائيات عام 2006.

الأنشطة الاقتصادية:
تعتمد على تصدير
البترول والغاز الطبيعي والمطاط والمنسوجات والأخشاب
وتستورد الآلات والكيماويات ومواد الغذاء.

الاستقلال: استقلت عن هولندا عام 1949م

عمله البلد الرسميه هي الروبيه الاندونيسيه

[فقط الاعضاء المسجلين هم من يمكنهم رؤية الروابط. اضغط هنا للتسجيل]

الخمسه الاف روبيه
هذي تفتح فيها عداد التكسي
مهب كل التكاسي بعضها باربع الاف وبعضها باكثر
بس الغالبيه من التكاسي تفتح عدادها اول ما تركب بخمسه الاف روبيه
حلو

والعشره الاف
دربها درب
العشرين الف
يقضون الحاجه وقت الزنقات والمقاضي

اما الخمسين والميه الف
فهذولي الورقتين الكبار في عملتهم
واكبر مشوار بالتكسي في زحمه جاكرتا
ماراح ياصل الخمسين الف روبيه
الا اذا انت كاشت بالتكسي

نقطه مهمه لللي ما يعرف يتعامل بعملتهم
شف وانااخوك
كل ريال = 2850روبيه
يعني لا قلت لك مثلا بالتقرير اخذنا
فيلا بقيمه 470000 اربع ميه وسبعين الف روبيه
نقسم هلمبلغ علي 470000/2850=164ريال وكسور
طبعا قيمه الريال تتغيركل يوم والثاني
وبيكون الفارق بسيط غير محسوس

ركز معي ....
بالطياره بيعطونك
كرت دخول للطياره
وبعض الاحيان الكرووت ما تكفي فيجحدك المضيف
اذا صاروا الاجانب اللي هم حنا يلسعوديين واجد بالرحله
فحاول انك تاخذ هالكرت اول ماتطلع عشان تريح دماغك
اذا وصلت للمطار ولا لقيت قلم تكتب فيه

وش تكتب بالكرت
وليش اكتب
وعشان ايش
ومن قاله
ووشو له اكتب معلومات بالكرت و...
وخذ الكرت واكتب مثل ما تشوف بالصوره اللي تحت

[فقط الاعضاء المسجلين هم من يمكنهم رؤية الروابط. اضغط هنا للتسجيل]

صورة للتشويق من الرحلة

[فقط الاعضاء المسجلين هم من يمكنهم رؤية الروابط. اضغط هنا للتسجيل]

يتبع باقي الرحلة اذا شفت انكم حابين نكمل او لا