معلمة جيـل لكـن حسهـا راقـي
تسمع (لماجد) وترتاح لاابو (نـوره)
وتطابقة في المشاعر نفس اذواقـي
واظن حتى القلوب اليـوم مأسـوره
هذيك قمه بعينـي تسكـن احداقـي
تكرم خطاها عن المنقـود والبـوره
تقول جيتك وودي اطفـي اشواقـي
ياشاعر فيك نفسي حيـل معـذوره
قلت ارحبي يحفظـك هـو الواقـي
ارضي بك اليوم بعد الجدب ممطوره
يااجمل قصيده حوتها صفحة اوراقي
ويااللي بشعري اكيد مسببـه ثـوره
شاعرك يعشق ترابك مابقـى باقـي
واظنها واضحه في عينك الصـوره
زينتي حروف شعري كيف اخلاقـي
واللي خلقني ملكت الكون وقصـوره
وربي انك مطر اروى ضما الشاقـي
اللي له اسنين وارضه شبه مهجوره
يااللي عن اوصالها لو تنثني ساقـي
قطعت رجلي وجبت الرجل مبتـوره
فيااللي سقيتي بحبك خضر اوراقـي
والله لااخلي سماك نجـوم منثـوره
مدامـك الحلـم والحـلاام مشتاقـي
والوضع سيئ لكن بقـول مستـوره
يكفيني انك معي لو يحرق احراقـي
الشوق قلبي ويقتل دافـي شعـوره
معلمه كـان فعـلا تبغـي اعتاقـي
خليني بفصلك اقرا باقـي السـوره
طالب مهذب سما بااحساسه الراقـي
لجلك وخـلا الاوادم حيـل مبهـوره
في شعره اللي من الاعماق ينساقـي
اذا استفزه غلاك بنفـس مكسـوره
معلمه لو سمحتـي كملـي الباقـي
روحي تعذر لون ماهـي بمعـذوره
اخاف لاقـول شـي داخـل عماقـي
وتصبح قصيده بعين الناس محضوره