(((( قصيدة ))))=
يطيب لي ويسرني ياسادة =في محفل اللي نارهم وقادة
اقف هنا متحدثا ومهني =لدي من جزل القصيد جداده
شرد بيوتاً مبتكرها فكري=تستهوي الجمهور والردادة
بذلت فيها كلما في وسعي =من شان لا تنقد من النقادة
قافاً بدعته لجلكم حصرياً=يطيب لي يهل الشموخ انشاده
سلام يا الاد الصواط الونعم=سلام وا لا امل من ترداده
سلام ازكى من شذى الكنبودي=والعود الازرق والحطب وتراده
والذ من ذوب العسل لا قدم=بضيافة اللي ضيفته معتادة
واصفى من الماي القراح الصافي=اليا انسكب في الكوب من براده
واغلى من عقود الذهب واللولو=لا زينت عنق الهنوف الغادة
سلام يهل المرجلة والشيمة=سقم الضديد ونكبته وانكاده
لا عنكب البارود يوم الهيجاء=سيوفهم لخصومهم حصادة
يالغانمين الاكرمين الندّر=ياكاسبين الطيب يارواده
ماهو قصورا في القبايل جمعا=والمجتمع نعماً بكل افراده
لا شك جتني دعوة من غالي=رجلا من رجال العصر واجواده
شخصيةً معروفة مرموقة=اللي مديحه يتعب القصادة
سالم ولد منصور زاكي السيرة=ريف الرفيق وفزعته واسناده
شامخ ومتواضع وراعي وقفة=وايديه بجزال العطا مدادة
افعال ابومنصور هي تشهد له=ما ينقصه مني ثناء وايشادة
له في دواوين المكارم بصمة=ومن الاكارم تزكية وشهادة
هذا وللاخ العزيز الغالي =منصور حد المشرفي غماده
مبروك بسم الحاظرين وبسمي=مبروك وتعيش ابهنا وسعادة
الله يديم الك الفرح والبهجة=ومن الكريم عنايته وامداده
وابوك يامنصور في المستقبل=يفرح ويتهنى بشوف احفاده
احسنت يوم اخترت منسب طيب=اللي تورخ سيرته وامجاده
صلاح بن صالح شريف المذهب=المنهل اللي يروي الورادة
بين العوارف والنشاما يذكر =راعي مقام ومنزلة وريادة
هذا وقدام انتهي من قولي= حسب سياق القول واستطراده
العيد عاد وجعلنا واياكم =يهل الوفاء والطيب من عواده
عاما قضى عشنا حلاه ومره=والناس خلف ارزاقها طرادة
واللي فقد منا عزيز وغالي=يصبر وجفنه يهتني برقاده
لن الالم ما يرجع اللي راحوا=لو ذاب من زود اللهود فواده
الناس منذو خلقهم في الدنيا=هم هكذا نزالةً شدادة
واليا خسرنا وافتقدنا ماجد =لا زالت بطون النساء ولادة
واللي من الايام ضاقت نفسه=وصروف وقته صايرة بزيادة
يقبل على الله جل في عليائه=ويمد له وقت السحر سجادة
ويناجي اللي عالما عن حاله=ربا رحيم ومعتني بعباده
ثم يجعل الاخلاص هو التقوى=للسير بدروب السفر زوادة
ولاشك يوم الغد عاما هجري=اترقبوا لمحرمه وجماده
وياجعل كلاً بالسعادة ينعم=في ظل حكام الوطن والقادة
وازكى صلاة الله على أطهر خلقه=ماغرد القمري على ميراده
جندب المالكي=