السلام عليكم ورحمة الله وبركاتة

وداع اللــه يــاخلّي أنــا برحـل فمـــان الله


......................... تظاهـر بالمحبة وانت خاين من ورا ظهري


أبرحـل عنك يا قاسي وقلبي يكفي اللي جاه


........................ خسـاره خابت ظنوني وغدرك بان من بدري


طعنت بخنجرك قلبي بعد ما مدّ لك يمنــاه


......................... حشا ماخاب ظني فيك احسب انك على خبري


جرحت القلب يوم انه تولّـع بك تبي تجفاه


..................... خلاص ارجوك لا ترجع عرفت انك تبي غدري


انا متبع هوا الغادر ولا اقبل عشرتي ويّاه


.......................... ولا ني فيك ملزومة لك الله ما رخص قدري


ومن يتبع هوا غيري أنا ماعيش في رجواه


.......................... ولا الـدّ النظر صوبه ولا يطري على فكري


أعز النفس عن حب المقفـّي واتركه وانساه


.................... عزيزة نفس من صغري الى آخر يـوم من عمـري


تحمّـل غلطتك وافهم تـرى من عافنا عفنـاه


......................... الى سار الوفاء معدوم.. قلّي وش بقى يغري