ابو خالد شخصيه غنيه عن التعريف ومن لايعرف ابوخالد الرجل
المثالي في كل شي بعيد عن كونه صاحب المنتدى
الله يطول بعمره ابو خالد نحبه ونكن له الاحترام الاخوي قبل كل
شي ومن ثم فرض احترامه كشخصيه محترمه حتى في تعامله
مع خارج القبيله اذكر على سبيل المثال مره رحنا لمحل معرض لبيع السيارات
والاجهزه في مكه عند واحد من اخوايانا وكان موجود ناس من كبار تجار السيارات
والعقار وكانو في جلسه خاصه في المكتب جوه جلسة بزنس المهم جالسين
فيه واحد اثناء جلوسنا يكلم بالجوال واسمعه بين الحين والاخر يذكر اسم بلخير
فقلت يمكن تشابه اسماء او واحد ثاني وكانوا في حديث ودي كل الجالسين مشدودوين معه ويسمعون بعد ما خلص طبعا الرجال مايدري ان بلخير يقرب لي قعد يحدثهم
من هو اللي كان معه على الخط ويمدح ابو خالد ويثني عليه ويقول هذا من احسن الرجال اللي تعاملت معهم على الاطلاق لانهم يسألونه وقال هذا لو يجيني يبغى مية سياره صالون اعطيته
بدون كفيل بعدين لما خرجنا سوى قلت له بلخير من اللي كنت تكلمه قال هذا واحد كان ساكن في مكه ونقل جده جده يشتغل في الدفاع المدني عياله عبدالمحسن وابراهيم ليه تسال قلت هذا الرجال ولد عمي وسرني ماقلت فيه من علوم ترفع الراس قال لي انا ماقلت الا حق الا مداني اقول فيه اي شي لاني مدري انك تقرب له المهم قال لي دامك ولد عمه فما زدت الا معزه فوق معزه وينشب فينا رغم انه عزمنا من اول وكلف علينا بس اعتذرنا وزاد مره ثانيه غصب افتكينا منه وهو رجل اجودي وملياردير من رجال الاعمال المعروفين في مكه يوم انفرقنا دقيت طوالي على ابو خالد بغى ياخذني قب وابى يعلمني بس حطيته في وجه الامر الواقع واعطيته الهرجه يحسبني ما اعرفه واعترف انه كان يكلمه المهم ماصدق ابو خالد اني كنت معه لين اعطيته التفاصيل نمس ابوخالد يحسبني اسوقها عليه ههههههههههههههه واسالوه او يمكن يمر هنا ابو خالد ويعلمكم ..
المهم اللي ابغى اقوله من خلال الكلام هذا ان ابو خالد له شعبيه جارفه هنا في مكه من دماثة اخلاقه وحسن تعامله مع الناس رغم ان شهادتي مجروحه فيه ولاكن هذا اللي حصل جمله وتفصيل