إحصائية العضو
طيب..ايش دخلنا..جعلك تتزوج من موزمبيق هذا لسان حال أي واحد مدرعم دوافع كتابة الموضوع..كنت منذ يومين في نقاش مع صديقي ( حسام ) اللذي سوف يدخل القفص الذهبي في الشهر القادم الحقيقة سولفت بكل شيء معه لدرجة اني صرت لحجي كان يقول مواصفات الزوجة اللي يحلم فيها.. كان من ضمن المواصفات اللي يبيها " بند " استوقفني كثير وهو: أن تكون من الديرهـ قلت وش معنى؟؟!! أغلب اللي في المدن جايين من القرى والهجر والديرهـ على قولتك!! قال المسأله ماهي من وين جايين...! المسأله في البيئة اللي عاشت فيها البنت.. يقول بنات المدن إذا اخذتها بهذلتك كل يوم..أبي السوق..أبي المجمع الفلاني..أبي أتعشى في فرايديز..أبي أمي أبي أبوي وغير كذا ليتها تتقن عمل البيت.... وحكى لي عن قصة زميله في الدوام اللي طلق زوجته بعد6 اشهر فقط من الزواج..انه كان يقسم له بالله أنها ماتعرف تسوي شاهي!! ومضى حسام في حديثه لي..حتى لو البنت في بيت صاحي فبيئة المدرسة والجامعات والزميلات تؤثر عليها كثير..يعني بالعربي بنات الدلع الزائد ومضى يقول: أنا أتزوج ليش؟؟ أبي ارتاح وأحصل على حرمه صاحيه تخدمني وأخدمها موتعيش عاله علي وأقعد أربي فيها من جديد!! وأختتم حديثه:أبن عمه تزوج إحدى قريباته من إحدى المحافظات المشهوره شمال الرياض وهي مدرسه في مدرسة أهلية..يقول تغيرت حالتي 100% وجدت إمراءه فاهمه بكل ماتحمله الكلمه من معنى..لدرجة انه يجي عندي عزايم وتقول انا بسويهافي البيت مايحتاج توديها المندي وتحثه على تقسيم وترتيب راتبه الشهري بدلاً من أن يصرفه بسرعه حتى لوكان لها!! ختاماً أقول أنا:حالة :حسام لايمكن تعميمهاولو كان كل البنات مثل زوجة "زميل حسام" لــ راح الرجال في خرايطها! ولو كان كل البنات مثل زوجة "أبن عم حساااام" لــ عاش الرجال في شيء اسمه جنة الدنيااااااا لكن بكل تاكيد أن بنت المدينة الدلع عندهااا أكثر والفشخرهـ والمهايط
[فقط الاعضاء المسجلين هم من يمكنهم رؤية الروابط. اضغط هنا للتسجيل]