مـصـرقـع و مـهـبـول في ( الـمـدرسـه )
>> الحصه الاولى <<
بعد تماارين الصباااح الشآآآآآآآآقه يدخل الطلااب الى الفصوول
وكلهم حيويه ونشآط وفرح ومرح !! 
وكان مصرقع حاط راسه على يدينه فووق الطاوله وناايم 
ومهبوول يقووله ( ياولد قم .. ماتشبع نوم انت ؟!! )
مصرقع : يارجاال اقلب وجهك مانمت زين الباارح !! 
مهبوول : وليه يا أبو زيد الهلالي ورااك مانمت الباارح ؟!
مصرقع : أبو زيد الهلالي جابته اومك !! < نصراوي لا تلومونه !! 
مهبول : شوف لا تغلط ترا اقوم الحين افقع خشمك ذا اللي كنه علبه فازلين !!
مصرقع : عاجبك خشمك ذا اللي كنه عصا بلياردو !!
(قام كل واحد منهم يبي يسطر الثاني وفجأه .. دخل استاذ التاريخ )
شاف الاستاذ مصرقع ومهبوول واقفين قاالهم وش عندكم ؟
مصرقع : ابد سلامتك بس منذو مبطي ماشفنا بعض ونبي نسلم على بعض !!
مهبول : ايه ايه صدقت يا مصرقع وشخبارك ؟ خشمك خشمك 
> <
(( مدرس التاريخ هذي اول حصه له ))
قاام مصرقع يقول للمدرس ( الحين علينا تاريخ يالحبيب !! )
المدرس : طيب ادري .. انا اللي بدرسكم تاريخ !!
مصرقع : أوووما انت !!! 
المدرس : ليه مووب مالي عينك انت وخشتك ؟!! 
مصرقع : ماقلنا شي بس انت توك صغير المفروض مدرس التاريخ يكون شايب !!!!!!!!
المدرس : اوكيه ما اختلفنا بس انا الحين شباب بكره اصير شاايب !!
مصرقع : اوكيه اذا صرت شايب تعاال درسنا !! 
المدرس انحرج من كلام مصرقع وقاال : لايغرك صغر سني ترااني فاهم بالتااريخ !! 
مصرقع : طيب يا فااهم .. متى ولد الملك فيصل .؟؟ 
المدرس بعد مابلع ريقه : 1355 هـ 
مصرقع : لا غلط هذا تاريخ ولاده الملك سعود
طيب متى ولد الملك خالد ؟
المدرس وهو يصب عرق من كل شعره برااسه : 1345 هـ 
مصرقع : لا غلط .. هذا تاريخ ولااده الملك فهد
المدرس بغضب شنيع : اطلع برا 
مصرقع : انا وااقف في ملك الحكوومه
المدرس : بتطلع ولا اجي اجرك مع خشمك ذا اللي كنه مفك اربعطش
مصرقع : يارجاال امزح معااك ... معاك الكامره الخفيه << يبي يرقع الموضوع
المدرس : اوكيه انا بوريك .. يلا خلوونا نبدا الدرس
وفجأه يضرب جرس الحصه الاولى ..
المدرس يضرب على الطاوله من القهر ويناضر مصرقع نضره خطيره مليئه بالغضب والفرح < شلون جت !!!
>> الحصه الثانيه <<
يقوم مصرقع من مكانه بعد ماطلع المدرس ويروح عند البااب يبي يطلع يروح يشرب مووويه
فجاه يدخل استاذ الجيلوجياا ويلقى مصرقع بوجهه
المدرس : وش عندك واقف ؟ وين تبي تروح ؟
مصرقع : انا ؟
المدرس : لا ابووي
مصرقع : والله مدري عن ابووك رح اسئله
المدرس : يلا رح مكانك لا افقع وجهك هالحين
مصرقع : تخسي وتعقب يبن الكلــ.... النااس
المدرس : يبن ايش يبن ايش ؟!!!
مصرقع : يا ابن النااس قلنا ... وش فيك ؟!
المدرس رح اقلب وجهك واقعد على كرسيك لا يجيك شي مايسرك
مصرقع : طيب طيب لا تسعبل !!
يدخل المدرس ويبدا الشرح ( الديناصورات كانت عايشه قبل ملاايين السنين ولقد اكتشف العلمااء اثآر تدل عليها )
مهبول : آثآر الحكيم .. والا غيرها ؟
يضحك الطلااب ويسكت المدرس بغضب ويكمل الشرح
( ولعل ابرز انواع الدينصوراات في العصر الجيرااسي ...)
مصرقع : الجيرااسي !! ... من أي القباايل ذا ؟ شمري والا عنزي والا مطيري .... أي قبيله ؟
يحذف المدرس الطبشوور على مصرقع ويزل رااسه وتصفق الطبشووره برااس مهبوول
يسقط مهبوول ارضا ويسوي نفسه مغمى عليه ويقووم يراافس بالارض
وينقز عليه مصرقع ويقعد يقرا عليه المعوذاات
المدرس انهبل وقام يبلع ريقه
ومصرقع يصاايح وش سويت بالرجاال !! ... ذبحته !! ذبحته !! 
لقد قتلته ايها المجرم المحترف !! قتلت صديقي مهبول اصدق واحد عندي بالعالم !! 
يركض المدرس ويقعد يعتذر وربي ماسويت شي والله ماني متعمد صدقوني مو قصدي
مصرقع : يارجال انت متعمد وناوي تذبحه لكن شغلك عند مخفر الشرطه
فجأه يضرب جرس الحصه الثانيه ويقوم مهبول عادي ولا كانه كان في شي اصلا ويقعد على الكرسي ويروح مصرقع ويقعد على كرسيه وهم ساكتين وكل واحد قاعد يناضر قدام على السبوره وكل شي طبيعي
يناضر فيهم المدرس وهو فااتح فمه من الصدمه بعد ان عرف ان السالفه كلها تمثيل في تمثيل وخرج وهو يسب ويشتم بصوت منخفض !!!
>> الحصه الثالثه <<
يرفس البااب مدرس الريااضياات ويدخل !!
مصرقع : ياشين الدلع على الكبااار !!! 
المدرس : مين الحيواان اللي قاال هالكلام ؟!
مصرقع : شوف يا استااذ مدرس اول شي انا اللي قلت هالكلام ثاني شي انا موب حيواان الحيوان انت واشكاالك ثالث شي ترا ماعلينا ريااضياات الحين علينا توحيد !! 
المدرس : ماشاءالله عامل فيها رااقل انتآ وخشمك يا وله < مايحتاج اترجم مدرس مصري يعني عربي عادي
مصرقع : طيب يا استاذ مدرس مصدقينك لا تحلف
المدرس : ما حلفتش
مصرقع : الا حلفت تقول يا وله
المدرس : آآه انتا وله يعني ولد
مصرقع : اوووما وله يعني ولد .. الولد في بطنك !!
المدرس : ايه ؟ ايه ؟ انتا بتئول ايه ؟ الوله فين ؟
مصرقع : الولد انا
المدرس : لا لا ئبل شويه ئلت ئيه ؟
مصرقع : يا استاذ مدرس .. انت جااي تشرح والا جااي تضاارب ؟
المدرس : آه اوماال انا جااي اشرح
مصرقع : طيب اشرح ولا يكثر !!
المدرس : النهرده حشرح لكم القتا والضتا .. مين يعرف ايه هي القتا وايه هيا الضتا ؟
مصرقع : انا يا استااذ مدرس
المدرس : طيب ئوم يااا فاالح
مصرقع : انا ما اسمي فاالح انا اسمي عبدالرب ادريس
المدرس : طيب يا عبدالرب عتريس ئوووووول ايه القوااب
مصرقع : انا اعرف ان الواحد اذا ضرب واحد يوئع مايحطش ضتا < مسوي فيها عادل امام
المدرس : معلش يا شبااب ده اخر يوم لي في المدرسه حئدم استئالتي
مصرقع : يارجاال ما عشيناك مايسير .. فنجال قهوه على الاقل او بيااله شااي مايسير
المدرس : لآآآآآآآآآآآآآآآآئه مووووووووووش مووومكن
يضرب جرس الحصه الثاالثه ويطلع المدرس ركض ويطيح ويقووم ويركض الين طلع من المدرسه وهو يصيح لآآآئه ...!!!!
>> الحصه الرابعه <<
يدخل مدرس المواد الاسلاميه
المدرس : يا اخوان كل واحد يحترم نفسه ويقعد بادب علشان نكون حلوين مع بعض !!
مصرقع : انت احلى طال عمرك !!
المدرس : نبدا الحصه .. من الذي قتل عمر بن الخطاب ؟
مصرقع : والله مو انا !!
المدرس : تستهبل انت ؟
مصرقع : لا والله ما استهبل قسم بالله موب انا !!
المدرس : طيب استرح يا ابني !
مصرقع : لا تكذب منت ابووي ولاني ولدك
المدرس : لا لا لا لاتفهم غلط انا قصدي اجلس يا ابن النااس
مصرقع : ايه بحسب !!
المدرس : من هو مؤسس الدوله الامويه ؟
مصرقع : واحد !!
المدرس : من هالواحد
مصرقع : واحد رجال !!
المدرس : طيب وش اسمه
مصرقع : هو اللي اسس الدوله الامويه
المدرس وهو يشد شعره من القهر : طيب وشسمه ينعن شكلك < خربها مدرس التوحيد
مصرقع : لا تلعن .. المدرس : مالعنت قلت ينعن مو يلعن
مصرقع : طيب خلاص اقلب وجهك
المدرس : الشرهه موب عليك الشرهه علي انا اللي جيت ادرس في ذا المدرسه
الشرهه علي انا .. الشرهه علي انا .. وقعد المدرس يردد الشرهه علي انا وفي الاخير نط من الشبااك !!
مصرقع : لا حول ولا قوه الا بالله .. توه كان وش زينه وش صار له .. مدري !!!!!!!
>> الفسحه <<
تجتمع الشله في الفسحه ( مصرقع و مهبول و كشكول و أشقر ( ترو هو عبد بس مسمينه اشقر علشان يرفعون معنويااته )
اجتمع الرباعي في الفسحه ويسوون حلقه ( يعني جلسوو على شكل دائري )
ويقعدون يلعبوون بلووت وانواع الصيااح والسب والشتم
يطب عليهم وكيل المدرسه ويقوول وش تسوون انتم ؟
الشبااب بصوت واحد ( نذاكر ) هاهاهاهاهاهاهاهاهاهاهااها
يطلّع الوكيل السيف حقه ( الخيزراانه ) وانوااع الضرب في المؤخراات الين طلع الشبااب برا المدرسه
وبذلك ارتاحت المدرسه منهم ومن غثااهم
واعلنت المدرسه هذا اليوم هو يوم تاريخي في تلك المدرسه وقامو بعمل حفل كبير حضره مجموعه من الفنانيين لعل ابرزهم راشد الماجد وشعبان عبد الرحيم و عصام الشوالي !!
(( النهايه !! ))
08-19-2010, 07:59 AM
مصرقع & مهبولــ
العرض الشجري