اتقـــدم باسمى ايات التهانـــي والتبريك للاخ المــلازم اول مهندس/ عبدالعزيز محمد ابراهيم الشيخي وذلك بمناسه تخرجه من كليه الملك فهد الامنيه وتعيينه في قوات امن المنشات واقول له الف الف مبروك وعقبال اعلى المراتب ان شاء الله وابارك للعم محمد ابراهيم هذا للتخرج ونسئل الله ان تكون عون له في دينه ودنياه وان يكون احد حماة هذا الوطن الغالي وان يكون عند حسن ظن ولاة الامر
وهذه قصيده من احمد محمد شقيق اللازم اول عبدالعزيز محمد
مبروك يالي على المراجل تربيت
يالي سما باسمه وصيت القبيله
. انا اشهد انك للمعالي تعليت
حزت الشهاده والنجوم المهيله .
في الهندسه ارقى الدراسه تلقيت
وجنبت عن درب الردى والرذيله .
وقفت في وجه الضروف وتحديت
وضفرت مثل الي قضى من عميله
. واليوم لأجل المملكه ماتوانيت
ركيت كتفك للحمول الثقيله
. نادوك حكام الوطن وانت لبيت
قد الثقه والحمل تقدر تشيله .
اعطاك نايف مارغبت وتمنيت
نايف زبون المرجله والجميله .
ابن الملوك الي لهم خدمة البيت
اهل السيوف المرهفات الصقيله .
ال السعود بحبهم كم تغنيت
عاش الذي دايم عقاله يميله
. هذاك ابو متعب له الود كنيت
المملكه وشعوبها تنتمي له .
ولسيدي احمد من المدح خصيت
ومحمد الي له فعولا جليله
. بالتهنيه عنكم ابد ماتناسيت
وضباطكم اهل الصفات النبيله
. ومن زمرت الأرهاب عنهم تبريت
اهل العقول الضايعات الضليله .
ياكم من الغبنه في القلب ونيت
شبو لقتل المسلمين الفتيله
. راحو عن اهل الدين يم الطواغيت
فكر انحرافي واليهودي كفيله .
وانااحمد الله يا السعودي تصديت
لفكارهم والعلم ماله بديله .
مهندسا ضابط حكمهم بتثبيت
على دراسة خطة مستطيله .
سلمت يا عبدالعزيز وتعافيت
رقيت فوق النايفه والطويله .
لجلك تحديت الدروب وتعنيت
والبعد بالمسرى بدينا رحيله .
طيارة طارت بنا ثم تساويت
يقودها كبتن عظامه نحيله .
شفت السحابه تحتنا يوم لديت
ارباص تنحر للمسافات ميله
. كل التضاريس العنيده تلاشيت
انا اشهد المشتاق تشفي غليله .
حضرت والجيه لجل راعي الصيت
نجيه مهما كان بيت وسيله .
وكل الفخر والعز لامنني جيت
بالي سمى باسمه وصيت القبيله .
اترككم مع صور الحفل
الملازم اول عبدالعزيز مع والده العم محمد ابراهيم
صوره جماعيه للاملازم ووالده واخونه اثناء التخرج
من اليمين ماجد وخالد واحمد والعم محمد والاخ صالح محمد
الملازم مع خاله ابراهيم من اليمين وعبدالمجيد من اليسار
[فقط الاعضاء المسجلين هم من يمكنهم رؤية الروابط. اضغط هنا للتسجيل]
منقوووول