حملة اوقفوها تعالو معي

{{حملـــ (stop)ــــة وقفهـــا}}....!!!









سيــارتك ...! لاطبعا



مدرستــك ...! لاطبعا



وظيفتك...! لاطبعا



سيجارتك...! ماعليا منك إنت المتضرر بالأول والأخير!!



=طيب إيش هيه؟؟



كـــــــــــــــــــــــــــــــلمـــــــتــــــــ ـــك..!!



كلمتي؟؟ إيوة



كلمة ايه؟؟



كمل الإيميل وراح تعرف السالفة.....!!



************************************











يــا...هندي / يــا..بخاري / يــا...تكروني / يــا...بدوي يــا..جاوي!!!!!!!!!!!!!!!!!!!!!!!!!!

يا يمني\يامصري!!!!!!!!!!!!!!!!!!!!!!!!!!!!!!!!!!!!!

هذي الكلمات ليه؟؟

ولمتى؟؟

وايش تستفيد منها؟؟

وهل هيه احتقار وإهانة ولا بس عشان تضحك وتضحك من حواليك؟؟



... لو إحتقار,, قلي؟؟



انتا تفرق عنه بإيش؟؟

بثروة؟؟ قاااادر ربي يخسفها لك بثواني وممكن تصير أفقر منه!

باللون؟؟ تــــــــافة وماعندك عقل,, تتفلسف عشان جلده,

بشرة ماتنفع ولاتضر!!



بالنسب؟؟ ومين كنت انتا حضرتك,, اللي ربنا اصطفاه؟؟

كلنا لأدم وآدم من تراب..!!

طيب عشان تضحك؟؟ دورلك غير خلق الله ياخي,,مين انت عشان تتريق بما خلق ربي؟؟؟؟



البدو)) أهل البادية والخيمة والجمل..وععع

الحضر)) طروش بحر..وععع

السمر)) تكارنة وعبيد..وععع

الهنود والبكستانيةوالأندونسية واليمنة وما إلى ذلك)) عمالة هبل جايين للخدمة..وععع





الـــ... الـــ... والـــ...؟؟؟





وبعدين؟؟؟























يــــــــاخي ماخليت أحد في حاله؟؟

وانتا بالله عليك قلي؟؟ مين انتا,,؟؟؟؟؟؟؟؟؟؟؟, ولا ايش يميزك عن عباد الله..!!؟؟؟؟

بل انك أخص منهم بكلامك هذا وأحقرهم منزلة عند الله ورسولة,, يرضيك؟؟ عاجبك؟؟

إذا عاجبك براحتك,, انا مااكلمك اكلم اللي عندهم ضمير حي..!!

اما انت فلا ملامة عليك ولاينرد عليك لأنك ولاااااشي يمكن هدول أحسن منك!!







وبرضوا ماينرد عليك لأنك ماخفت عقاب الله,, ومن مايخاف الله خاف منه..!!

ربي يقولان اكرمكم عند الله اتقاكم)

وحبيبي رسول الله يقول: (لافرق بين اعجمي ولا عربي الا بالتقوى)

كـــله كووووم واللي يقول كلمة_عبد_ هذه,, ياخي كلنا عباد لله,,, ومافي شي اسمه عبيد حاليا خلاص بح انتهى,, وحتى لما كان في,, ماكان بس السود هما العبيد,,, لاياحبيبي فيه عبيد بيض وعبيد سود ايام الصحابة





ليش يعني قالولك العز والفقر يتحدد بلون؟؟





ولا ربنا يجعل ناس بلون للخدمة وناس بلون للوجاهة؟؟





ربنا مايظلم احد,, زي مايعطي هذا يعطي ذاك...

محد احسن من احد...!!

ثم بعدين قلي؟؟ تخيــــل معايا يوم القيامة!!

جيت وقت الحساب وكلك حسنات وفرحان خلاص انك راح تدخل الجنة,, الا وربنا يقولك,, حسناتك كلها راحت بسبب

إهانة شخص ما واحتقاره والخ...

بالله اش موقفك؟؟







يعني يرووووووح داك النعيم كله عشان خاطر بس كلمة!!

طبعا يروح,, ويروح ابوه كمان..!! لاتحسبها صغيرة عند الله ابدا...

ربنا يوم القيامة راح يحاسبنا على كل كبيرة وصغيرة عملناها,

حتى على تعاملنا مع الناس وهذا اهم شي,, ولا نسيت شي اسمة الأقتصاص؟؟

_هذا الإقتصاص_ معناه ان ربي يقتص لـ أخوك المسلم من حسناتك ويعطيه هيه بقدر مايستحق,, وان فنيت حسناتك

وماكمل اللي عليه.... الله يعينك عاد..!!



يعني بالله ندخل النار ونتبهدل عشان لساننا ...!!

مررررة مايحوج









فإذا شفت شي ضحكك,, قول استغفر الله ولا روح انصح الشخص الفلاني ترا فيك كده كده...





ولا شي شفت انك احسن من غيرك بيه,,, قول الحمدلله الذي عافانا ممن ابتلا به كثيرا من الناس...





شفت شي حزنك.... واسي المصاب







هــــــادي اخلاقنا,,, موبس فالحين للنكت والإستهبال؟؟



يـــااخواني والله كـــلام كتييييير ودي أقوله لكم,, لكن اتمنى اني أفتدكم بهذا القدر....

ويـــااخواتي والله الدنيا ماتغني عن الأخره,,على قد ماتشعري بالسعادة والفخر هنا,, لكن صدقيني الأخرة كل شي فيها غيييير

ياإما نعيم ابدي..... ياإما عذاب ابدي

وانتو اختاروا....

ماراح ينفعك خويك اللي يشجعك على السوء.... ولا راح تنفعك صاحبتك وقتها.... كل واحد فينا حيروح مايملك الا عملة,, وكل واحد يومها يدور الثاني عشان يتلبش بيه

(ربي هوا اللي قلي اقول كده عاقبه)





(ربي انا ماتعلمت دا الأسلوب الا منها عاقبها)







مـــــــاراح تنفعك....!!



أتمنى تقولوا كلكم معـــايا بكل عزيمة وإصرار...!!













مــالها داعي... راح نوقفها...

كلللللللللللنا أخوااااااااان.............. كلـــــــــــــنا أخوات بالأسلام

إحنا امة محمد عليه السلام اللي راح يفخر بينا يوم البعث

خلينا نبيض وجهه..!!











أرجـــــــوك...!!

عزيزي... عزيزتي القارئة...

وقفوهـــــــــا...

وقفوهــــــا....

وقفوهــــا.... ((دعوها فإنها منتنة))!!

 

 

رووووووووعة
ماشاء الله تبارك الله
مشكور اخوي على النقل

 

 

"وهل يكب الناس في النار إلا حصائد ألسنتهم"
نقل موفق