((يــاقـــوت))

فيه عندنا عامل في الدوام اسمه( ياقوت) والرجل هذا الكل متفق على حبه
فكثير مااحب اجلس معه ونسولف ونفضفض لبعضنا ببعض الامور ربما
تكون هذه القصيده من هذه الامور وهي من احدث قصائدي

حلم [فقط الاعضاء المسجلين هم من يمكنهم رؤية الروابط. اضغط هنا للتسجيل]ينرمي وسط تابوت
مكتوب له يدفن معه وسط حفره

والأغنيا تركب بي امات وفروت
في عالم يشهد من اللئم طفره

تعال يااحلمي معي حفرة الموت
خلك معي اثم على الله غفره

ياقوت جيب الشاي تكفى ياياقوت
وافرش لنا من عاثر الحظ سفره

اما تعشيني بطاطس وبسكوت
ولا ادسم شاربك شحم جفره

ولا نقضي ليلنا صمت وسكوت
ان قلتلك وشفيك رديت زفره

لكن لا تغنط ولا ترفع الصوت
خلك مثل محرم وبيطوف نفره

يونس دعا ربه وهو داخل الحوت
حتى لفظه الحوت في ارض قفره

ياقوت لونملك عقارات وبيوت
فرعون مات وماجنى غير كفره

بالله لاتمسي من الحال مكبوت
مدام لك من زيف لاحلام وفره

 

 

صح لسانك يابو حماد قصيده جزله معنى وصياغه في الجمل والتعبير

ويعجبني اللي مثلك يحس بحال الفقير كثر الله من امثالك