ابراهيم الشيخى وحوقان

الشيخي
مرحبا بالشاعر اللي غاب والله جابـه
شاعرٍ له في مجال الشعر كم من جوله
يامحمد ضاقـت البوينـج بالركابـه
لكن الكبتن يدور شي ماهـو حولـه

محمد بن حوقان
البقا والسوق واحـد والعـرب طلابـه
والسبـور مـدوره للديـرة الماهـولـه
يا خوي الصاحب اللي جا يزور اصحابه
المطارات اصبحت زحمة ماهي معقولة

الشيخي
البـلاد بخيـر لامدفـع ولادبـابـه
جابتيـنٍ حاضـره والثالثـه مقيولـه
بعض حكام الدول تفرض شريعة غابه
والدويلـه يامحمـد ماتسمـى دولـه

بن حوقان
البلاد بخيـر لكـن الزمـن متشابـه
ومن يدني هامته ماشاف غير رجوله
ومن يدور مسكة الابهـام والسبابـة
يختنق ويموت والا ينتكس من طوله

الشيخي
ظنتي ياهل التجمع مـا وراكـم ثابـه
فكركم محـدود والا ايدينكـم مشلولـه
كنت في عيني كبر قمة حظن وهضاب
وللاسف صرت بعيوني كبر بذر الفوله

بن حوقان
راعي المقناص يعرف بندقه وزهابـه
يا مدور للسيوف الحـرّه المصقولـه
انت في خاطرك هرج ماحسبت حسابه
لا تشـد حبالنـا وحبالنـا مفتـولـه

الشيخي
كان بن حوقان عرض وطول يملى ثيابه
وكل مادار الزمن يصغر ويصغر زوله
يازعيم احزاب مادري يازعيم عصابـه
ماتشوف حبالكم فـي روسكـم مدبولـه