سنوحي وعلوم الديرة

السلام عليكم ورحمة الله وبركاته
بعد غياب طويل جبت لكم علوم الديرة
********************************
بسم الله وعلى بركة الله

بأستار الله ، سادعين وادعين تحت رب العالمين ، مانغدي ولا نروح إلاّ فيما يسد الروح
العربان بخير وفي خير ، يهرجون ويدرجون ، المريض يعافيه الله والطيب يحمد الله ,
ويجيرنا ويجيركم من أمراض هذا الزمان اللي ماقط سمعنا بها من أول ، ، وكل من تهبه الرياح طيب ، أما المطر دين عند جيد ماجانا شئ يعلم به إلى ذالحين ، أما الحلال والنحال ماهي فأحسن حال ، واللي عندكم يعلم عن اللي عندنا ، نهبط السوق وندرج مع الخلوق ، اللي معه جلب يهبط من غبشه يدور للجلابة ، واللي عليه طلب مايهبط إلاّ ضحى عالي إلى سدروا الطلابة ،الجلب غالي وثمنه تلف ، دوبه للعلف ، وإن ماغطى زدنا سلف ، والسمن غالي يطلع المية ويندر التسعين ، والحضر دور يهبطون ودور مايهبطون ، والعسل نسمع به ولانراه ماشئ عسل إلاّ شئ ماهو من عندنا واللي ماهو من ديارنا مانعلم به يعلمون عنه أهله ، أما اللي في الدكان باقي على ماكان .
إلى ذالحين خلاف قاصر نحمد الله ماشئ طاري خلاف . هذا ماتلفينا من الأعلام والأخبار وتاليها عفاكم ...

 

 

وعليكم السلام ورحمة الله وبركاته

معافا ومن الشر مكافا حياك الله وحيا علمك من ممشاك الى ملفاك نغرم عليك بخيرورضى الله بسًاطه في ديارنا والله على كل ديرة لا نغدي ولا نروح الايمة الله من العمل للبيت

لاسواق متواحيه انكان في المدينه ولا في الديرة ومثل ما ترى ومثل ما تشوف وما حصل الله الفاين مافي فاين الله يابى

هذا ما حبينا نرد به في علمك وبقاكم

 

 

علوم السيره والديره واحده.....................................؟
ذكرتني الوالد يوم يسافر والا يروح
مشوار بعيد ويرجع ويجون يسلمون عليه
في البيت اعمامي واصدقاه الي يحبونه .
هذا مانتقفى به علومكم وبقاك

 

 

امممم بعض المصطلحات مافهمتها
انا بعد رحت للديره بعد طووول غياب
المهم لقيت شيء عجيب غريب
صايره كلها زبايل ومرامي
حتى بالطريق!!!
والدنيا تقرررربعت
مافيه اي إهتمام بالنظافة

 

 

درج على السن العامة من الناس وخاصة كبار السن اثناء علوم الديرة والسيرة قول على مثل ماترى ومثل ما تشوف وما حصل الله

فما ينيغي قول ما حصل الله ولا يجوز ذلك

 

 

طيب اعطنى معنى كلمة ماحصل الله
وهل التحريم من وجهة نظرك ام من شيخ
وبعدين نتفاهم

 

 

اقول الصلاح من الله هبو لي قضية هنا
روحوا الافتاء وافتحوا القضايا هناك

 

 

قلبتوها فتوى كل واحد يفتي من عندة مايكفي الفتاوي اللي كل يوم والثاني تطلع مع شيوخنا الافاضل .

 

 

هدوووووووووء يا مشاييخ الله يجزاكمـ الخير

 

 

حياك الله ياسنوحي من جديد عدت والعود احمد حياك الله وحي الله علومك