الله يسقي تاك الايام -

02-26-2010, 01:49 PM

--------------------------------------------------------------------------------

((هل تذكر شيئا من أيام زمان ؟ إذا كنت تذكره فلا تبخل علينا به ))

هذا الموضوع له علاقه ببعض الأنشطة التي كان يمارسونها أهلنا محوي والذي خلاني أفكر في كتابتها جدتي متعبه ، لا سمرت معها تقعد تعلمني بسوالف زمان وكيف يتضيعون ...
ويسرني ان انقل لكم طريقة بناء البيت:

ماكان البنا في الماضي سهل سواء من حيث التكلفة والا التعب والا السرعة

وكان يمر بالمراحل التالية:

1- اللي يبغى يبني له بيت يتفق أو ل مرة مع واحد يقضي له من الجبل ..يافيت يندر الحجران من الجبل بالعتلة ويدحدرها لين تصل تحت.
2-اللي يحضر الحصى لين محل البناء يتفق مع واحد معه جمل وياهب فوقه شي يقلن له المنقلة على الجنبين وياهبون الحصى فيها ويربطونها ويندرونها عند مكان البناء لين تظلي نعمة.
3- يتفق مع البناية واحد يبني وواحد يشقم الحصى وواحد يناول .وطريقة البناء ان الباني ياهب خطين متوازيين من الحصى بعرض متر ويمكن أكثر وبينها فراغ ويراكب الحصى فوق بعضها وياهبلها لزايز من الحصى الصغار ..والفراغ اللي بين الخطين يملونه بحصى صغار ويقلون له مدماك.
4-الكلفة : كان راعي البيت يقوم بتجهيز الأكل لذلية كلهم فال وغدا وعشاء وشاهي وقهوة ويوم الخميس لازم رز ولحم واللي ما ياهب سمن وعسل ماعد ياجون عنده فضلا عن ثمن مواد البناء.
5-ولا قرب البيت من النهاية ياهبون الجبايه وهي صلي طوال فوق الخلوف والبيبان وبعدين يبنون فوقها.
6- ويجون أهل القرية كلهم لا جا وقت تركيب الخشب والمرازح وإطلاع الطين يساعدونهم فالطينة ...وهم يشتغلون والقدور تفور بالرز واللحم لهم ..
الله ياخواني كان أمور متعبه ..وما كان مع الناس شي.
6-الزينة تتخلل البناء أنواع من الزينة مثل بناء البروج وسط الحده وهي فتحات للتهوية
والقترة في السقف وهي فتحه للتهوية والخزاين وهي عبارة عن تجويف داخل الحدة ياهبون فيها حاجياتهم ، وكانوا ياخذون طرنبيل وياهبونه بين الحجران وقت البناء نص في البناء ونص خارج البناء ويستخدم لربط الدواب

المطلوب منكم اللي يعرف شي يعلمنا به

سنوحي · 03-29-2010, 06:17 AM

ياسقا الله تاك الأيام....يوم كانت أمي ترد البير وتستقي الماء وتجي البيت وتخبز في الميفا ...وتسوي الشاهي وتهب فيه سكر كثير على شان ناكل السكر اللي يبقى في نهاية الشاهي .....سبحان الله كانت أيام حلوة