احرموني منك

إحرموني منْك و إنت اللي رضيت
ياخسارة كيف صدّقت الدعاوي


ما ألومك لو على قلبي مشيت
أعذرك و أنساك بعد اليوم ناوي


أوعدك وعدٍ على عمري قضيت
صوب دارك ما خطت رجلي خطاوي


بس يكفي كم لمّحت وطريت
وأنتظر لحظة قرارٍ منْك ياوي


لاخبر جاني ولا عطفٍ لقيت
عاشقٍ للصمت يالمضنون هاوي


لا تآخذني إذا عنّك جفيت
العذر منّك و أنا للصبر قاوي


عزّتي ما ذلّها يوم ورجيت
غير للي رافع السبع السماوي


لو أكوّن لي من العرشان بيت
مستعد أعيش في الصحراء خلاوي


كل حبٍ ينمحي من دون صيت
وهوب شرط الدرب لي تمشيه ظاوي


الهوى ما يسلك الحب الشتيت
لازم العشّاق تمشي بالتساوي


لا يغرّك من نطق كلمة فديت
عند حزّات الفداء يصبح مراوي


لك بيوت الشعر عنّيت و نشيت
جعل وقتك دايمٍ يصبح صفاوي.

و سلامتكم.

 

 

لا يغرك من نطق كلمة فديت
عند حزات الفداء يصبح مراوي



أعجبني هذا البيت كثيرا............................................. .........................

مع خالص شكري وتقديري (صعبان)..

 

 

ابيات رائعه

سلمت يمناك

 

 

صح لسانك

صعبان عودا حميدا

 

 

مرور عطر لجميع من تصفح موضوعي
ولكم الشكر والتقدير لو لا كم ما ظهر الجمال
لكم مني اجمل تحيه

 

 

الله يحرمهم العافيه الى احرموك منه
ههههههههههههه تقبل مروري فديتك يا الغالي

 

 

إحرموني منْك و إنت اللي رضيت
ياخسارة كيف صدّقت الدعاوي
ما ألومك لو على قلبي مشيت
أعذرك و أنساك بعد اليوم ناوي
عودا حميدا صعبان
دمت بود ياغالي
محبك
حاااااااكم

 

 

الله واكبر

ابداااااااع لابعد الحدود

صح لسانك ياصعبان

ولا عدمناك

 

 

الحسين
الزلزال
حاكم العشاق
اسعدني مروركم يا النشاما

 

 

فيونكه مرور عطر سلمتي يالغاليه